Buhtes valáštallan mearkkaša ahte buohkain galgá leat vejolašvuohta searvat seamma eavttuid vuođul. Ii leat lohpi váldit goansta- dahje lobihis ávdnasiid vai šaddá čeahpit valáštallat. Lea dehálaš ahte valáštallamis ii leat verrošeapmi ja heajos váikkuhus, ja ahte valáštallama fairplay-njuolggadusat čuvvojuvvojit. Ovddasteaddjin berre čájehit buriid guottuid ja leat positiiva ovdagovvan mánáide. Jus leat eahpesihkkar mii lea ortnegis ja mii ii, de váldde oktavuođa geainna nu valáštallansearvvis.
Buhtes valáštallama vuolggasadji lea ahte buohkain galgá leat vejolašvuohta searvat seamma eavttuid vuođul. Ahte ii galgga geavahit koansta dahje lobihis ávdnasiid vai šaddá gilvaleddjiid čeahpit. Fair play galgá suodjalit valáštallama árvvuid. Dat galgá leat mielde bisuhit valáštallama buhtisin verrošeamis ja heajos váikkuhusain, sihkkarastit ahte aktivitehtain ja daid birrasis lea oadjebasvuohta ja áktejupmi, nu ahte buohkat geat leat valáštallanbirrasis ja geain lea gullevašvuohta birrasii sáhttet dovdat ahte go searvá valáštallamii de oažžu juoidá ruovttoluotta, juogo aktiivvalažžan, jođiheaddjin dahje geahččin. Dalle lea dehálaš leat dihtomielalaš iežas guottuid ja árvvuid, ja ahte dat oktiivástidit valáštallama guottuiguin ja árvvuiguin. Leage ovdagovvan, ovddit fair play ja leage čielggas ahte ii leat ortnegis verrošit. Jus don, aktiivvalaš valáštallin dahje ovddasteaddjin vásihat ehtalaš dahje morálalaš čuolmma, dahje it leat sihkkar mii leat ortnegis dahje lohpi, váldde oktavuođa hárjeheddjiin, jođiheddjiin dahje muhttin earáin valáštallamis. Ovdamearkka dihte leat olugat geat geavahit liigebibmosa, dat lea biebmoávdnasat mat leat čoahkáiduvvon dahje eará ávdnasat main lea bipmolaš dahje fysiologalaš beaktu. Lea riska ahte muhttin liigebibmosat sáhttet leat nuoskkiduvvon, dat mearkkaša ahte buktagis lea lobihis ávdnasat mat leat dopenlisttus vaikke vel dat eai leat čállojuvvon buktagii.
Dopen lea verrošanvuohki, ja dávjá lea sáhka dálkasiin mat leat váldon vai nagoda eanet.
Buot valáštallit Norggas fertejit čuovvut Norgga Valáštallanlihtu (Norges Idrettsforbund) ja olympialaš ja paraolympialaš lávdegotti mearrádusaid dopema birra.
Valáštallanjoavkkuin ja valáštallamiin eai sáhte leat sin iežaset dopennjuolggadusat. Sii fertejit čuovvut njuolggadusaid mat leat riikkaidgaskasaš lágain mat gusket dopemii.
Leat máŋga ášši mat adnojuvvojit leat njuolggadusaid rihkkun: ahte lea lobihis ávnnas rupmašis, geavahit lobihis vuogi (ovdamearkka dihte allaviesu geavaheapmi Norggas), jus biehttala iskkaduvvot, geahččalit bilidit iskosa, buktit lobihis ávdnasiid Norgii dahje jus ovttastallá hárjeheddjiin dahje jođiheddjiin gii lea lihccojuvvon valáštallamis dopenduomu dihte.
Valáštallama ulbmil lea searvat almma verrošeami.
